Hotel Transylvania (2012) | රාස්ස සාදේ…[සිංහල උපසිරැසි සමඟ]
ඩ්‍රැක්‍යූලාව දන්නවද? අර මිනිස් ලේ බොන… දුෂ්ට/ කුරිරු අරමුණු සහිත… ලෝකෙම ආක්‍රමණය කරන්ඩ හිතන… මිනිස්සුන්ව තමන්ගෙ වර්ගයට හරවන.. හෝව් හෝව්, නෑ නෑ නෑ එයා නෙමේ. මෙයා වෙනස්. අපි දන්න කෙනා නෙමේ. අපි දන්නවට වඩා හොඳටෝම වෙනස්. මිනිස් ලේ බොනව තියා මිනිස්සු ඉන්න පැත්තකටවත් එන්නෙ නෑ. එච්චරට බයයි. හැබැයි ඒකට ලොකුම හේතුව එයාගෙ දූ සිඟිත්ත. ඔව්, ඔව් මෙයාට දුවෙකුත් ඉන්නවා. එයාව එයාගෙ අම්මව මරල දමපු කුරිරු මනුස්සයින්ගෙන් රැක ගන්ඩයි, අනිත් රකුස් නෑයන්ගේ ඇසුර ලබා දෙන්ඩයි ඩ්‍රැක්‍යූලා සි‍ටුතුමා තමන්ගෙ ට්‍රාන්සිල්වේනියාවෙ තියෙන මාළිගේ හෝටලයක් එහෙමත් නැත්තම් භෝජනාගාරයක් බවට හරවනවා. මේකට එන්නේ රකුසෝ විතරයි. මනුස්ස සමාජයෙන් ප්‍රතික්ෂේප වෙන, මරණ තර්ජන ලබන, ජීවිත අවදානම් දරන රකුසෝ ඕනිම කෙනෙකුට මේ හෝටලේ විවෘතයි. හැබැයි මනුස්සයින්ට පස් පාගන්ඩ දෙන්නෑ.
ඔන්න ඩ්‍රැක්‍යූලා සි‍ටුතුමාගෙ දුවණිය වැඩිහිටි වයසට එළඹෙන දවසේ උපන්දින සාදෙ මහ ඉහළින්ම අරගන්ඩ කටයුතු පිළියෙළ කෙරෙනවා. නිවීහැනේ විවේකීව හිතේ හැටියට බය සැක නැති නිවාඩුවක් ගෙවන්ඩ කැමති හැම රකුසෙක්ම මේ උත්සවේට සහභාගි වෙනවා. ෆ්‍රැන්කන්ස්ටයින් සහ බිරිඳ, මරේ මමිය, අදිසි මිනිසා, නරවෘක පවුලම, බිග්ෆුට් එකී මෙකී නොකී හැම ජාතියෙම රාස්සයෝ මේකට සහභාගී වෙනවා. මේ උපන්දිනේ තියන්නෙ ළමා වියෙන් මිදිලා තමන්ගෙම තීරණ ගන්ඩ නිසි වයසට එළඹෙන ප්‍රීතියට. අවුරුදු 118 පිරෙන එක ඉතිං ඉහළින්ම සමරන්ඩ එපෑ. එසේ මෙසේ සුළු ප‍ටු දෙයක්යෑ ඒක.
මේ අතරේ තමන්ගෙ උපකරණත් පොදි ගහගෙන එකම එක මනුස්සයෙක් මෙහේ එනවා. එයා එන්නෙ නිකම්ම නෙමෙයි, ලොකූ ආම්පන්න වගේකුත් අරගෙන. මොකටද රකුසො හොයාගෙන එන්නෙ මනුස්සයෙක්? මොනවද මේ පොදියේ තියෙන්නේ? රාස්සයො සමූල ඝාතනය කරන්ඩ ඕනි උපකරණ? වදහිංසා පමුණුවන්ඩ ඕනි කරන ආයුධ? රාස්සයො සියවස් ගාණක් මිනිස්සුන්ගෙන් හැංගිලා ජීවත් වෙන්නේ, මිනිස්සුන්ට තියෙන මර බය හින්දමයි. ඒ හින්දා අලුත් ලෝකෙ ගැන එයාල අන්දෝ සංසාරයක්වත් දන්නෙ නෑ. එහෙනම් මේ මනුස්සය එහෙම තැනකට එන්ඩ මිනිහගෙ අරමුණ මොකක් වෙන්ඩ ඇද්ද? මෙයා ඇවිත් මොනව කරයිද? උපන්දිනසාදෙට මොනව වෙයිද? ඩ්‍රැක්‍යූලාට තමන්ගෙ සිඟිති දියණිය සෙසු ලෝකයෙන් ආරක්ෂා කරගන්ඩ පුළුවන් වෙනවද? ඩ්‍රැක්‍යූලාට මිනිසුන්ගෙ හිරිහැර කරදර වලට මූණදෙන්ඩ වෙයිද? අපි අහල තියෙන – අහල නැති රාස්සයො බර ගාණක් මේකෙ ඉන්නවා. හැබැයි අපි දන්න විදිහනම් නෙමෙයි ඒ අය. හරිම අහිංසකයි. හරිම ජොලි කට්ටියක්.
එහෙමනම්: ඔන්න යාළුවනේ සෝනි සමාගමෙන් හදපු ගෙන්ඩි ටාටකොව්ස්කි අධ්‍යක්ෂණය කරපු මේ චිත්‍රපටය ආපු ගමන් ගෙනාවා. මම චිත්‍රපටියකට සිංහල සබක් ගහන්නෙ ටික කාලෙකින්. කළේනම් ටිකක් කඩිමුඩියෙ. බලමුකෝ එහෙනම් මගේ උත්සාහයේ ප්‍රතිඵල කොහොමද කියලා. බයිස්කෝප් අදියුරන්ගෙ ඉල්ලීමකටයි කළේ. මටත් ඉතිං කහනව වගේනේ ඇනිමේෂන් දකිනකොට!
හරි හරි එහෙමනම් මේකත් බලලම ඉන්ඩකෝ
මේ 300 mb
මේ 700mb
මේ1.4gb
සිංහල sub
0 comments:
Post a Comment